بالفيديو قصة نجاة ملك أحمد زاهر من إجراء عملية جراحية في دبي، ملك أحمد زاهر ومن منا لا يعرف من هي الفنانة الصاعدة ملك زاهر التي استطاعت ان تثبت نفسها، من خلال الأدوار الفنية لاتي قامت بها والتي استطاعت من خلالها ان تقوم ببناء قاعدة جماهيرية ضخمة للغاية تنتظر اعمالها الفنية القادمة، على احر من الجمر وتصدر اسم الفنانة المصرية ملك زاهر التريند بعد ان تم استضافتها في في برنامج مع الإعلامية منى الشاذلي.
قصة نجاة ملك أحمد زاهر من إجراء عملية جراحية في دبي
تحدثت الفنانة المصرية الشابة ملك احمد زاهر عن قصة نجاتها، من اجراء عملية جراحية في يدها خلال تواجدها في الامارات العربية المتحدة تحديدا في امارة دبي.
وقالت الفنانة المصرية في برنامج معكم منى الشاذلي :”السنة اللي فاتت واحنا في دبي، كان في يوم قرر بابا أننا نروح مكان نضرب نار ونلعب عربيات السباق، صحيت الصبح وحسيت أن في حاجة هتحصل كان قلبي مقبوض وقولت يا ريت منروحش النهاردة، لكن روحنا ودخلت لعبت في السباق، وأنا بلف بالعربية دخلت في الحواجز الحديدية، وحسيت أن إيدي حصل لها حاجة، وجه واحد طلع ايدي، وقولتله وأنا هادية “إيدي فيها حاجة”.
قصة نجاة ملك أحمد زاهر من إجراء عملية جراحية في دبي
وأضافت: “روحنا بعدها للمستشفى، وبابا كان طول الطريق بيقول أنا السبب، ولما قولتله يا بابا قضاء وقدر.. فضل يعيط وينهار، ودكتور الإشاعة كان مصري واتكلم مع بابا بعد ما دخلنا أوضة الأشعة.. ولقيت بابا كان وشه أصفر ومرضيش يقولي حاجة، وقال لأختي ليلى (أختك ممكن متحركش إيديها تاني)”.
واكملت: “كلمنا 9 دكاترة، قالوا دي لازم عملية، رجعنا بلدنا واحنا في احتمال اني محركش إيدي تاني، والكل أجمع أن لازم أعمل عملية”.
واكدت: “روحنا لدكتور مصري شاطر أوي بعد ما رجعنا، وقالي إنتي لسه صغيرة وهي فعلا محتاجة عملية، ولكن ممكن تجبسي إيدك أحسن ولكن هتقعد لفترة أطول وممكن من 6 شهور لـ 9 شهور، وكنت وقتها بمثل في مسرحية وكنت متضايقة اني همثل بالجبس”.
واستطردت: “بعد مرور شهرين من الجبس، روحت للدكتور لقيته بيقولي ان فيه معجزة وإيدك خفت”.
تجدر الإشارة ان ملك احمد زاهر شاركت في مسرحية “عيلة لاسعة جدا”، والذي كان من بطولة عدد من النجوم المميزين ومنهم:
- أحمد زاهر.
- ليلى أحمد زاهر.
- أحمد فتحي.
- مروة عبد المنعم.
- تأليف محسن رزق.
- إخراج تامر كرم.
