اسماء شريف منير: ساعات شيطاني بيغلبني زي باقي البشر

كانت اسماء ابنة الفنان شريف منير من زوجته الأولى ناهد . قد نشرت في وقت سابق صورة لها بالمايوه وقد تصدرت محركات البحث على جوجل .

اسماء شريف منير:استبدلت صورتها بالمايوه بأخرى :

كتبت اسماء شريف منير على صفحتها الشخصية على الانستجرام بعد حذف تلك الصورة . واستبدالها بأخرى ( مسحت الصورة اللى فاتت وقلت انزل دى بس عشان ساعات شيطانى بيغلبنى زى باقى البشر . وساعات بحس بذات بعد ما خسيت إنى عايزة ألبس لبس حلو وبناتى كده . وافرح إنى بقى شكله حلو عليا بس الصح صح مش هقاوح).

وقد تابعت : (أنا أصلا مش بحب ألبس لبس مكشوف فى العادى بس انجرفت ورا الدنيا اللى مش باقية . فهقاوم الإحساس ده وهركز مع نفسى وفى لبسى أكتر وهحاول أنقى لبس يكون معتدل وحلو عشان أشجع نفسى . والبنات اللى بتابعنى إنهم يلبسوا لبس حلو فى نفس الوقت مش مفتوح)

وقد أضافت: (مش عيب إن الواحد يعترف بغلطه وطول الوقت يحاول إنه يبقى أحسن، وبشكر المتابعين اللى لفته نظرى بطريقة ذوق).

تهنئ متابعيها بعيد الأضحى المبارك:

وقد هنأت متابعيها بمناسبة حلول عيد الاضحى المبارك بقولها :
(كل سنة وأنتم طيبين وحبايبى ودعمى، ربنا يفرح قلبنا كلنا ويهدينا .. بحبكم) .

ماذا تعمل اسماء شريف منير وبماذا تميزت :

وتعد أسماء شريف منير اعلامية و خبيرة تجميل وعملت كمساعد مخرج وتقدم نصائح لتعليم فن الميك اب ، قدمت مع والدها برنامج (انا وبنتي) تزوجت مرتين ولديها ابنة اسمها لارا وقد انفصلت عن زوجها وتزوجت مرة أخرى من الفنان محمود حجازي .

لذلك  برز اسمها في الفترة الاخيرة وذلك بسبب انفصالها مرة اخرى . من ناحية أخرى تميزت بالرد بصراحة على متابعيها على الانستجرام . قائلة : (طبعا أنا تعبت جدا بعد انفصالي بس أهم حاجة إني أخدت وقتي في كل مراحل الوجع.. معملتش فيها برم عشان أثبت إني تمام بالعكس عيطت وانهارت وزعلت احترمت مشاعري والمرحلة كلها بس مسبتش نفسي اكتئب) .

وقد تحدثت عن تجربتها في تخطي ازمتها فقالت : (دوست على نفسي عشان أقوم أولا عشان عندي مسؤوليات .. ثانيا أنا مش بعرف أزعل فترة كبيرة بنسى بسرعة .. نزلت لعبت رياضة ، حاوطت نفسي بأصحابي وأهلي ، كتبت خواطري وخطتي الجاية ، اتفرجت على فيديوهات كتير تساعدني بسرعة بصفى بسرعة واظبت على الصلاة، بدعي وبستغفر طول الوقت، سافرت راجعت كل أخطائي وبشتغل عليها وأخيرا سامحت فارتحت) .
وقد تم سؤالها عن تجربة الزواج مرة أخرى فردت : (طبعا أنا بحب أشارك الحياة مع شخص بحبه ويمكن متوفقتش لسة بس أنا عندي يقين إن نصي التاني موجود ورينا يجمعني بيه ويعوضني، أنا رومانسية وأهم حاجة عندي عيلتي الصغيرة ومش هيأس حلال ربنا وستر وربنا يرزقني) .