بالفيديو اول تعليق من نقيب الموسيقيين مصطفى كامل

بالفيديو اول تعليق من نقيب الموسيقيين مصطفى كامل، مصطفى كامل واحد من ابرز الأسماء التي برزت بشكل كبير جدا في الآونة الأخيرة سيما بعد انتخابات نقابة المهن الموسيقية المصرية، والذي استطاع الفوز بها مغني الاحزان والمطرب المميز الذي اكتسح انتخابات المهن الموسيقية المصرية، ووصل الى رئاسة نقابة المهن خلفا للفنان الي استقال هاني شاكر الذي كان على رأس النقابة لمدة طويلة وصلت الى 7 سنوات.

اول تعليق من نقيب الموسيقيين مصطفى كامل

كشف النجم المصري مصطفى كامل نقيب المهن الموسيقية عن رؤيته في التعامل مع فنانين المهرجانات كلمات الأغاني الخاصة بهم خلال الفترة المقبلة من تسلمه رئاسة نقابة المهن الموسيقية وذلك اثناء مداخلة هاتفية مع برنامج “ماذا يحدث في مصر” الذي يذاع على قناة mbc مصر.

وقال نقيب المهن الموسيقية: “أنا معرفش حاجة عن انتش وأجري، فعلا معرفهاش، كنت مشغول في حملاتي الانتخابية، بس من اللفظ أنا فهمت هو عايز يقول إيه؟، هي بقت المنافسة دلوقتي بقت على الابتذال، مين يتدنى أكتر؟، ومين يبتذل أكتر؟، ومين ينحط أكتر؟، الموضوع بقى طايل البيوت، أنا مش طالب منهم يغنوا من أجل عينيك عشقت الهوى ولا غدا ألقاك، أنا طالب منهم كلمة ما تأذيش بنتي وبنتك، ولا ابني وابنك ولا أبناء الناس، عشان احنا سهرنا الليالي وتعبنا عشان نربي عيالنا، متجيش إنت عشان تجيب عربية جاجوار ولا طيارة خاصة، تدمر بيتي”.

وأضاف:”المسألة مجتمعية، هعرض فيها كل وجهات النظر وفي النهاية كل وجهات النظر دي تتحمل معايا القرار، أنا بشوف أساتذة بتقول أنا مع حرية التعبير، لا حضرتك من فضلك، أنا مش مع حرية التعبير المطلقة، أنا راجل صانع نجوم، الخلاف مع عدوية زمان، هو صوت ميتكررش تاني، الخلاف كان على كركشجني، أنا راجل جريء، وهقول حاجة محدش هيقولها غيري، لما تيجي في زمن كان فيه الضباب، وليه حظي معاكي يا دنيا كده لعماد عبد الحليم، وزمن محمد الحلو، وتلاقي كركشجني، لازم تلاقي الجمهور بغض صوت زي صوت عدوية”.

واكمل: “أنا نفسي في فترتنا دي، الأصوات الحلوة، تعالي يابني متغنيش الكلام ده، النقابات مش زي ما الناس فاهمها، دور النقيب مش دور مدير أمن مباحث الموسيقى، ده دور تربوي وأبوي وأخوي، اسمها الكبير، في النهاية لا هدف ليا أنا شخصيا غير هوية بلدي، أنا كنت طول عمري بنخرج بره، بنسمع بعيد عنك، النهارده بنسمع وشربت حجرين على الشيشة، هنفضل كده؟، ده يرضي حد، هنفضل كده، من الأسوأ للأسوأ، ولما تبقى سهران في دولة عربية شقيقة جميلة وتسمع فنهم الحلو، وإحنا هنفضل نتدنى بالشكل ويبقى ده عنوانا، يرضي مين الكلام ده؟”.

تجدر الإشارة ان الفنان مصطفى كامل استطاع الفوز بانتخابات نقابة المهن الموسيقية، في الانتخابات التي أقيمت في يوم الثلاثاء والتي أقيمت في مقر نقابة المهن الموسيقية المصرية